Om Swastyastu,
Wastan titiang Madé Satya Narayani, S.Pd. Titiang pinaka Penata Layanan Operasional (Penyuluh Bahasa Bali) saking Dinas Kebudayaan Provinsi Bali sané polih amongan ring Kantor Lurah Sangkaragung, rahina Anggara tanggal 21 Oktober 2025 (Selikur Oktober warsa kalih tali slaé) ngamargiang parikrama Kelompok Belajar Bahasa Bali ring SD Negeri 2 Sangkaragung sané kasarengin olih siswa kelas IV saha kamiletin olih 12 (roras) diri siswa. Inggian matéri sané kaicénin inggih punika ngeninin indik Aksara Wianjana miwah Panganggé Aksara Bali. Alit-alité taler latihan nyurat kruna miwah lengkara saking tulisan latin sané kasalin antuk Aksara Bali.